السلام عليكم ورحمة الله وبركاته
عندي دروس خطيره لا تفوتكم يا بنات ’’ شوفوا اللي مقهوره, واللي تبي تنتقم’’
واللي تبي ترفع ضغط اخوها تتبع هالخطوات والله يقويكم00
00عند التلفزيون 00
لا صارت فيه مباراه , والاخ متحمس اقطعي هالحماس وشلون؟!
انا اقولك ..
شوفي اذا صار مبقق عيونه وماهو جنب احد يعني لو تجيبين صاروخ تفجرينه قدامه
مالتفت لك اعرفي انه منسجم ,
هنا بس تقومين بشغلك وتسوين نفسك بنت مااحد قدهااا وسنعه زي مايقوولوا
وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه
ولا تعطينه فرصه يشوف زين ,
لا قال: ابعدي.
قولي مااني فاضيتلك بنظف وامسح ، وبعدين روحي جيبي المكنسه
واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه00
ولا يهمك احد00
واذا قال: ابعدي لااصقعك على وجهك بالكاس قولي معصي بيجون ضيوف . .
العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق
ناقزي لين توصلين للفيش وافصليه برجولك ولا تلتفتين وراكِ..
>>قسم بالله لو تسويهااا مع اخوووكي لا يديكي شلوتي يطيركي من البيت كله
خخخخخخ
00 عند النوم 00
لا صار ابن الحلااال يشخر.. نكدي عليه نومه وشلون؟!
دخلي عليه بزارينكم على بزارين جيرانكم
وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله
خخخخخخخ
والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس
وبكل برود قوليله نبي نخرج ..
والا اقوووووووووول خذي منديل طبخ عشااانه شووي حلووو ولفيه من زااويته وأقعدي حطيه على اذنه ماره برقبته وشوفي كيف حيندغ وكملي المشوووااار بااقي الطريق طوويل 00
دحدري شووووي على خشمه حلوووه دحدري 00 وانتبهي من بعيد لبعيد 00 عشاان مااايصير عليك انفجااار 00
واهررربي 000 ماتشووفين الا المسكين قاام من نووومه 00
00اذا المزاج صفر 00
اذا شفتيه ماله خلق ومو رايق ومقفله معه لا تخافين كثير هذي فرصتك تنتقمين منه
يعني تحرشي فيه خلي دمك ثقيييييييييل بالمزح
بس انتبهي في هاللحظه راقبي حركات يده لان ممكن يصك أي شيء قدامه بوجهك
ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ
المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني ,
انتي لا تسكتين قوليله واذا ماذلفت وجهي وش بيصير
عاد هو بيقوم ويوريك وش بيصير على سنع
انتي في هالوقت اقضبي اول درجتين توصلك لغرفتك
وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك
عادي .. عادي ولا صرتي بزر وش فيها اهم شيء تحقيق الغايه اللي هي
(( تفجير الامبير ))
00وقت الطقاق 00
لا جاء يوم وبراسك شيئ وتبين تطاققين انتي وياااا هالمسكين لازم تجهزين نفسك من كل ناحيه:
1/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات
وانتبهي ولا خصله تنزل منك,
وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير
2/ مفتاح الغرفه جهزيه الاحتياط واجب
اذا بدت المعركه حطي راسك براسه ولا تبينين له انك خايفه وبققي عويناتك فيه وقوليله
وش براسك عاد هو هنا بيقولك هذا اللي براسي طراااااااااااخ الا ومخمس مصفي طبلونه
لا تستسلمين عطيه بوككككككس على عيونه الثنتين علشان مايشوف الدرب واعطيه شلووتي عالطااير
.
وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر
بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله
واتمنى تطبقين هالتعليمات وهذا وجهي ان تحداك اي احد على وجه الارض ومالي دخل
لوطلع بعيونك الوان الطيف والا ماسلم فيك ضلع
على فكررررررررره نسيت 00
هذا كلووو عالطااااير 00 يعني اذا صااارت السااالفه عن جد 00
انا مااالي صلاااح اذا دخلت غررفه الانعااااااش 000
اتمنى يعجبكم الموضوع ......
